Tanggapan ng Pro Tempore sa Senado buong iniwan ni Sen. Lacson noong 2022

Pinabulaanan ni Sen. Panfilo “Ping” Lacson ang pahayag na “bare” o walang laman ang tanggapan ng Senate President Pro Tempore nang iwan niya ito noong 2022 at kalauna’y inokupahan ni Sen. Jose “Jinggoy” Estrada.

Ayon kay Lacson, iniwan niya ang opisinanang buo at wala siyang inalis na anumang gamit dito dahil ginamitan ito ng pondo ng gobyerno.

Tinutukoy ni Lacson ang pahayag ng tanggapan ni Estrada na “bare” o walang laman ang Pro Tempore office nang ipasa ito sa senador noong 2022.

Una nang nagulat si Lacson sa naging sitwasyon nang tanggapan na ookupahan na ngayon ni Senate President Pro Tempore Tito Sotto.

Nalimas kasi ang lahat ng gamit at kasamang tinanggal ang floor tiles mga cabinet, toilet fixtures at wall outlets. (DDC)