Pangamba ng double penalties sa NCAP pinawi ng MMDA

Tiniyak ng MMDA sa mga motorista na hindi sila mapapatawan ng double penalties kaugnay ng muling pagpapatupad ng no-contact apprehension policy o NCAP sa ilang piling lugar sa Metro Manila.

Ayon kay MMDA chairman Atty. Don Artes, walang duplication na mangyayari dahil walang naka-install na camera sa parehong lokasyon ang MMDA at ang mga LGU.

Sa kaniyang panig tiniyak ni Manila Mayor Isko Moreno na susunod ang City Government sa uniform traffic system ng MMDA at ipaprayoridad ang kaligtasan at patas na pagtrato sa pagpapatupad ng traffic rules.

Sa pamamagitan din aniya ng paggamit ng NCAP, masisiguro ng mga motorista na patas na naipatutupad ang batas trapiko anuman ang estado sa buhay ng motoristang lalabag. (DDC)