FEU Alabang binulabog ng bomb threat

Suspendido ang klase sa lahat ng Senior High School at College sa Far Eastern University sa Alabang, Muntinlupa City epektibo dakong alas-11:00 ng umaga ngayong Huwebes.

Bukod sa klase kanselado rin onsite work operation sa unibersidad kasunod ng napaulat na bomb threat.

“All students and Associates are advised to remain calm and evacuate the campus in an orderly manner, following the instructions of our security personnel and the responding authorities who are currently on site and attending to the situation,” ayon sa inilabas na kalatas ng FEU Alabang.

Nakikipag-ugnayan ang pamunuan ng FEU sa kinauukulang otoridad at nagsasagawa ng mga pag-iingat upang tiyakin ang kaligtasan at seguridad ng lahat sa loob ng campus.

Samantala maglalabas ng updates ang unibersidad sa pamamagitan ng kanilang opisyal na communication channels. (Bhelle Gamboa)