₱783K na halaga ng shabu nakumpiska, HVI arestado sa Las Piñas City
Naaresto ng otoridad ang isang pinaghihinalaang high-value drug personality at nakumpiska ang umano’y shabu na nagkakahalaga ng ₱783,156.00 sa gitna ng buy-bust operation sa Las Piñas City ngayong Huwebes ng madaling araw.
Kinilala ang suspek na si alyas PAT, 43-anyos, residente ng Dagot Road, San Manuel, Puerto Princesa City, Palawan.
Sa ulat ng Southern Police District (SPD) nadakip ng mga operatiba ng Station Drug Enforcement Unit (SDEU) ng Las Piñas CPS ang suspek sa Barangay Manuyo Dos, Las Piñas City, dakong alas-2:55 ng madaling araw.
Nasamsam sa suspek ang tinatayang 115.17 na gramo ng umano’y shabu, black sling bag, at buy-bust money na ginamit sa operasyon.
Nasa kustodiya ng Las Piñas CPS ang suspek at nakatakdang isailalim sa inquest proceedings para sa kasong paglabag sa Comprehensive Dangerous Drugs Act of 2002, sa Las Piñas City Prosecutor’s Ofice.
“Every successful operation begins with vigilance, proper coordination, and decisive action. We will continue to disrupt the illegal drug trade and hold accountable those who bring dangerous drugs into our communities, while ensuring that our personnel observe the law and proper procedures at all times,” sabi ni BGen Rodel A. Pastor, District Director ng SPD. (Bhelle Gamboa)
