Youth Bazaar sa Las Piñas binuksan

Pinangunahan ni SK Federation President Rey Angelo Reyes, katuwang ang Local Youth Development Office–Las Piñas sa pamumuno ni Mr. Allan Gimenez, ang ribbon-cutting ng Youth Bazaar at awarding of certificates of completion para sa mga kabataang napabilang sa City Youth Officials Program 2026.

Dumalo si Mayor April Aguilar at personal na sinuportahan ang mga kabataang nagbenta ng kanilang mga produkto sa bazaar, na bahagi ng mga aktibidad para sa Linggo ng Kabataan at International Youth Day celebration.

Ginawaran din ni Mayor April ng certificates of completion ang mga kabataang nagsilbing City Youth Officials at nagkaroon ng pagkakataong ma-expose sa iba’t ibang tanggapan ng Pamahalaang Lungsod upang mas maunawaan ang public service, leadership, at responsibilidad sa komunidad.

Patuloy na sinusuportahan ng Pamahalaang Lungsod ang mga programang nagbibigay sa kabataan ng pagkakataong matuto, mamuno, at maipakita ang kanilang kakayahan sa serbisyo at entrepreneurship. (Bhelle Gamboa)