Panganiban Reef at Zamora Reef hindi pwedeng angkinin ng China – DFA

Muling iginiit ng Department of Foreign Affairs ang hurisdiksyon nito sa Panganiban Reef at Zamora Reef.

Ayon sa DFA, ang Panganiban at Zamora Reefs ay parehong nasa low-tide elevations at nasa loob ng exclusive economic zone at continental shelf ng Pilipinas sa ilalim ng United Nations Convention on the Law of the Sea at sa isinasaad ng 2016 Arbitral Award.

Ang paglalagay ng island-building ng China sa lugar ay lumalabag sa Philippine Maritime Zones Act at sa UNCLOS.

Nanawagan ang DFA sa China na ihinto ang ilegal na pag-okupa at ilegal na aktibidad nito sa Panganiban Reef at Zamora Reef at sumunod sa 2016 Arbitral Award.

Tiniyak ng DFA na patuloy nitong isusulong ang Karapatan, soberanya at hurisdiksyon sa West Philippine Sea. (DDC)