PCIC magbabayad ng P187M na halaga ng insurance para sa mga magsasakang naapektuhan ng mga bagyo at Habagat

Naglaan ang Philippine Crop Insurance Corporation ng 187 million pesos para sa insurance ng mga magsasaka na naapektuhan ng magkakasunod na bagyo at Habagat.

Ayon sa Department of Agriculture, kabilang sa mga makatatanggap ng insurance ang halos 25,000 na magsasaka na naapetuhan ng mga pag-ulan at pagbaha noong August 1 hanggang 26.

Tinatayang aabot sa 132.9 million pesos ang insurance claims na natanggap ng PCIC ayon sa kanilang presidente na si Jovy Bernabe.

Iniutos naman ni DA Secretary Francisco Tiu Laurel na madaliin ang pagproseso sa mga claim para agad mapakinabangan ng mga magsasaka ang pera.