QC LGU patuloy ang paalala kaugnay sa kalidad ng hangin sa lungsod

Bahagya nang bumuti ang kalidad ng hangin sa Quezon City matapos ang naranasang haze dahil sa forest fire sa Indonesia.

Gayunman, patuloy ang paalala ng LGU sa mga residente, mga mag-aaral at mga manggagawa na magsuot pa din ng face mask ngayong araw, September 2.

Inirerekomenda rin na bawasan ang matagal o mabibigat na physical activities sa labas.

Para sa mga kabilang sa vulnerable groups, gaya ng senior citizens, buntis, at mga may asthma o iba pang respiratory conditions, hinihikayat na manatili muna sa loob ng bahay hangga’t maaari at umiwas sa unnecessary outdoor exposure.

Maliban sa Quezon City, ilan pang lugar sa Metro Manila ang nakaranas ng hindi Magandang kalidad ng hangin kahapon, September 1 dahil sa sunog sa Indonesia na dinadala ng malakas na hangin patungo sa Luzon. (DDC)