Las Piñas LGU naghatid ng tulong sa Elias Aldana evacuees

Magkasamang namahagi ng relief goods at gamot sina Las Piñas City Mayor April Aguilar at Congressman Mark Anthony Santos sa higit 40 na pamilya na pansamantalang nanunuluyan sa Barangay Elias Aldana Covered Court sa lungsod.

Nagbigay rin ng dagdag na tulong pinansiyal na P15,000 si Mayor April para sa panggatas ng mga bata.

Patuloy na nakaalerto at nakahanda ang Pamahalaang Lungsod ng Las Piñas na magbigay ng tulong at suporta sa mga residenteng apektado ng masamang panahon. (Bhelle Gamboa)