5 drug personalities arestado; P850K na halaga ng shabu at baril nakumpiska sa Parañaque drug bust

Napasakamay ng Parañaque City Police Station’s Station Drug Enforcement Unit (SDEU) ang limang katao kabilang ang isang High-Value Individual (HVI) at nakumpiska ang tinatayang 125 na gramo ng hinihinalang shabu na nagkakahalaga ng ₱850,000,.00, baril at bala sa gitna ng buy-bust operation sa residential unit sa Barangay San Dionisio sa lungsod ngayong Martes, alas-2:00 ng madaling araw.

Kinilala ni Parañaque Chief of Police Col Nicolas Piñon ang mga suspek na sina alyas “MAR,” 51-anyos, nakalista bilang HVI; alyas “ARRON,” 45-anyos; alyas “MONNETTE,” 23-anyos; alyas “SONNY,” 61-anyos; at alyas “CAMILLE,” 42-anyos.

Nakumpiska ng otoridad ang ilang pakefe na naglalaman ng umano”y shabu, buy- bust money habang narekober kay alyas MAR ang isang Taurus caliber 9mm pistol, magazine at apat na bala ng naturang baril.

Ang mga suspek ay sasampahan ng kasong paglabag sa Comprehensive Dangerous Drugs Act of 2002 habang may karagdagang asuntong Republic Act 10591 ang kakaharapin ni alyas MAR.

Sinabi ni Southern Police District Director BGen Glenn Oliver C. Cinco na ang pagkaaresto ng HVI at apat iba pa maging ang pagkakumpiska ng umano’y ilegal na droga ay sumasalamin sa ruloy-tuloy na kampanya sa illegal drugs at kriminalidad.

“The Southern Police District will continue conducting intelligence-driven and lawful operations against identified drug personalities and other criminal elements,” pahayag ng SPD chief. (Bhelle Gamboa)