2 CIW commissioned officers sinibak ni Catapang

Inutos ni Bureau of Corrections Director General Gregorio Pio P. Catapang Jr. na sibakin ang dalawang commissioned officers mula sa Corrections Institution for Women (CIW) para sa pagsasagawa ng isang komprehensibong imbestigasyon kaugnay sa umano’y mga anomalya sa trust fund ng Persons Deprived of Liberty (PDL).

Iniimbestigahan ang mga sinibak sa tungkulin na sina C/SSUPT Daisy Sevilla-Castillote, Superintendent ng CIW, at C/SSUPT Marites Lebardo, Deputy Superintendent for Administration ng CIW. Ang dalawang opisyal na magreport sa Office of the Deputy Director General for Administration (DDGA) sa National Headquarters sa Muntinlupa City.

Ayon pa sa BuCor, si Corrections Officer2 Bianca Ramos na isang PDL Trust Fund Officer ay naging absent without leave (AWOL) simula noong July 29.

Sinabi ni Catapang na humiling na ng tulong ang BuCorsaid sa Muntinlupa Police Station upang tuntunin ang AWOL officer upang magbigay siya ng linaw sa nasabing usapin.

Samantala itinalaga naman si CT/SINSP Lariza Martin, na Director ng Reception and Diagnostic Center NHQ, bilang Acting Superintendent ng CIW.

Inatasan ni Catapang si Mr. Edgardo Virtudazo, Chief ng Internal Audit Service Unit, na magsagawa ng internal audit kaugnay sa umano”y hindi wastong paghawak ng trust funds. Kasama sa audit ang pangangalap at pagberipika ng lahat ng mga kaugnay na detalye, mga umiiral ba impormasyo , at ulat ukol sa isyu.

Ipinag-utos din ng BuCor chief sa Directorate for Intelligence and Investigation, sa pamumuno ni Atty. Ferdinand V. Balduman, na magsagasa ng parallel investigation upang tukuyin ang pangkakasala ng dalawang sinibak na CIW officers.

“If it is true that there are missing funds amounting to about P6 million, this did not happen overnight. We need to get to the bottom of this and hold those accountable in their proper place,” sabi ni Catapang.

“Masakit sa kalolooban ko na pilit nating inaayos ang Bureau of Corrections tapos yung mismong tao natin ang maiinvolved sa katiwalian, kaya’t gusto kong maimbestigahang mabuti ito para malaman natin kung kailan at sinu-sino ang dapat managot,” pahayag pa ng BuCor Chief sa labis nitong pagkadismaya sa korapsyon na maaaring kinasangkutan ng mga tauhan na pinagkatiwalaan ng reporma ng BuCoR. (Bhelle Gamboa)