Si Sen. Alan Cayetano ang malulunod sa katotohanan – Sen. Lacson

Hindi pa tapos ang word war sa pagitan nina Senator Alan Peter Cayetano at Senator Panfilo Lacson.

Sa panibagong banat ni Lacson, sinabi nitong sa tindi ng mga natuklasan sa ghost project sa Taguig City ay baka si Cayetano pa nga ang malunod sa katotohanan.

Sinabi ni Lacson na batay sa kanilang case study may natuklasan silang ‘cauldron of worms’.

Ani Lacson, nakipagpulong siya sa mga opisyal ng Philippine Reclamation Authority at mula sa ghost slope protection projects ay natuklasan din ang ilegal na pag-reclaim sa mga lugar na sakop ng Laguna Lake.

Giit ni Lacson, kinumpirma ng mga opisyal ng PRA ang pag-harass ni Cayetano noong tinalakay ang budget ng Office of the President noong Nobyembre 2025.

Ang PRA ay nasa ilalim ng OP. (DDC)