P5M halaga ng puslit na yosi na-recover ng Coast Guard sa Davao Oriental

Nakumpiska ng mga tauhan ng Philippine Coast Guard ang limang milyong pisong halaga ng hinihinalang smuggled na sigarilyo na inabandona sa bahagi ng Governor Generoso, Davao Oriental.

Isang mangingisda sa lugar ang nag-report sa Coast Guard Station Davao Oriental matapos makita ang abandonadong mga kahon sa boundary ng Barangays Nangan at Tagabebe.

Nang rumesponde sa lugar, nadatnan ng Coast Guard ang isangdaang kahon na naglalaman ng mga sigarilyo.

Isinailalim sa inventory at documentation ang mga kontrabando para sa mas masusing imbestigasyon. (DDC)