Mga manggagawa na nakatanggap na ng wage hike hindi kailangang magsauli
Hindi na kailangan pang isauli ng mga manggagawa kung mayroon na silang natanggap na dagdag-sahod kasunod ng ipinatupad na wage hike sa Metro Manila noong July 25.
Pahayag ito ni Labor Secretary Francis Tolentino matapos na ipag-utos ng korte sa Pasig City ang pansamantalang pagpigil sa pagpapatupad ng wage hike sa NCR.
Ayon kay Tolentino, nang maibigay sa mga empleyado ang wage hike ay wala pa namang utos ang korte.
Hindi aniya pwedeng ihirit ng mga employer na isauli ng mga empleyado ang naibayad nang taas-sahod.
Paalala naman ni Tolentino sa mga manggagawa, maging kalmado lamang at kailangan aniyang respetuhin ang naging desisyon ng korte. (DDC)
