Banta ni VP Sara trinato ng NBI bilang planong pagpaslang kay PBBM

Hindi trinatong banta kundi “planong pagpaslag”.

Ganito inilarawan ni NBI Director Melvin Matibag ang naging pahayag ni Vice President Sara Duterte sa isang online press briefing kung saan pinagbabantaan nito ang buhay ni Pangulong Ferdinand Marcos Jr., First Lady Liza Marcos at dating House Speaker Martin Romualdez.

Sa kaniyang pagharap sa Impeachment Trial, sinabi ni Matibag na bumuo ng task force ang NBI para agad magkasa ng imbestigasyon hinggil sa nasabing pahayag ng bise presidente.

Paliwanag ng NBI chief, sa perspective kasi ng law enforcers, ang bant ani VP Sara ay hindi na nila itina-tratong banta kundi ito ay planong pagpaslang.

Dagdag pa ni Matibag, ang banta sa buhay ng pangulo ay katumbas na din ng banta sa national security.

Si Matibag na ang huling testigo ng prosekusyon sa article four ng Articles of Impeachment. (DDC)