Traffic enforcer na nag-counterflow sa EDSA inisyuhan ng show cause order

Humarap sa MMDA ang traffic enforcer na nakuhanan ng video na nagka-counterflow sa EDSA bus lane noong nakaraang weekend.

Ayon sa MMDA, batay sa paliwanag ng Traffic Aide I na si Jeffrey Tablan, nataranta umano siya nang tumawag ang kaniyang asawa at sinabing nahihirapang huminga ang anak nil ana mayroong problema sa puso.

Inamin naman ng enforcer na nakainom siya nang nakita siyang nag-counterflow sa bahagi ng EDSA Whiteplains northbound.

Bagaman humingi ng paumanhin sa nangyari, inisyuhan na siya ng show cause order ng MMDA dahil sa nangyari.

Binigyan siya ng pitumpu’t dalawang oras para sumagot at magpaliwanag. (DDC)