COVID-19 cases ngayong taon mas mababa ng 70 percent – DOH

Nananatiling mababa ang naitatalang COVID-19 cases ngayon taon ayon sa datos ng Department of Health.

Simula January 4 hanggang July 11 ngayong taon, umabot ng one thousand five hundred thirty-two ang naitalang kaso ng COVID-19.

Ito ay seventy percent na mas mababa kumpara sa five thousand seventy cases na naitala sa parehong petsa noong 2025.

Tiniyak namna ng DOH na patuloy nitong binabantayan ang mg kaso ng COVID-19 sa pamamagitan ng kanilang regional offices.

Kabilang pa din sa sintomas ng COVID-19 ang lagnat, sore throat, ubo, sipon, sakit ng ulo at iba pang sintomas na kahalintulad ng nararanasan kapag may trangkaso.

Paalala din ng ahensya, pwedeng magpakita lang ng mild na sintomas ang COVID-19 o kaya ay pwedeng wala ng maranasang sintomas.

Hinikayat ng DOH ang publiko na bagaman mababa ang naitatalang kaso ay patuloy na maging maingat at palaging maghugas ng kamay gamit ang sabon at tubig. (DDC)