Donasyong cleaning materials tinanggap ng MMDA

Pormal na tinanggap ni Metropolitan Manila Development Authority (MMDA) Chairman Atty. Don Artes, kasama ang iba pang opisyal ng ahensiya ang donasyong cleaning materials mula sa RunRio Inc. bilang suporta sa patuloy na pagpapanatili ng kalinisan at kahandaan ng Metro Manila.

Kabilang sa mga ipinagkaloob ng RunRio Inc. ang 200 pieces shovels, 400 pairs rubber boots, 500 pairs heavy-duty utility gloves, at 120 pieces durable trash bins.

Gagamitin ng MMDA ang mga kagamitang ito sa iba’t ibang cleaning operations, estero at kanal clean-up drives, at iba pang environmental at disaster response activities ng ahensiya upang mapanatiling malinis ang mga daluyan ng tubig at makatulong sa pag-iwas sa pagbaha.

Nagpasalamat naman si RunRio Inc. CEO Rio Dela Cruz sa MMDA sa patuloy nitong pakikipagtulungan at sa pagbibigay-daan sa paggamit ng EDSA bilang ruta para sa mga running event ng kumpanya. (Bhelle Gamboa)