Higit P1.57M halaga ng ilrgal na droga nakumpiska ng SPD, 104 drug personalities arestado

Nagsagawa ng weeklong anti-illegal drug operation ang Southern Police District (SPD) bilang maigting nitong kampanya kontra ilegal na droga na nagresulta ng pagkaaresto ng 104 na drug personalities at nakumpiska ang ₱1,579,112.00 na halaga ng ilegal na droga sa katimugang Metro Manila nitong July 6-12.

Nasa kabuuang 86 anti-illegal drug operations ang matagumpay na ikinasa kung saan umabot sa 84 na drug users at 20 na drug pushers ang nahuli.

Nakumpiska sa gitna ng operasyon ang tinatayang 224.78 gramo ng shabu, 1.85 gramo ng marijuana, 23.49 gramo ng kush, at walong vape cartridges na naglalaman ng marijuana/cannabis oil.

Kabilang sa operating units ang Taguig City Police Station na nakapagtala ng pinakamataas na bilang ng pag-aresto ng 31 drug personalities habang umabot sa halagang P661,978.00 ang narekober na ilegal na droga.

Pinuri ni SPD District Director BGen Glenn Oliver C. Cinco ang operating units sa kanilang dedikasyo. At propesyunalismo kaya matagumpay ang pagkadakip ng mga indibiduwal na sangkot sa ilegal na droga.Binigyang-diin nito ang mga accomplishments na ito na nagresulta ng masigasig na pangangalap ng intelihensiya, epektibong koordinasyon, at nananantiling mga hakbang ng SPD operatives ilsa pagpapatupad ng batas.

“I commend our operating units for their dedication and professionalism in this week’s anti-illegal drug operations. The successful arrest of individuals involved in the illegal drug trade reflects the hard work, coordinated efforts, and intelligence-driven operations of our personnel. We will continue to intensify our campaign against illegal drugs, strengthen our operational capabilities, and ensure that those engaged in these unlawful activities are arrested and held accountable under the law,” sabi ni BGen Cinco. (Bhelle Gamboa)