DepEd nagpaalala bawal ang paggamit ng gadgets sa oras ng klase

Nagpaalala ang Department of Education na mayroong existing policy na nagbabawal sa paggamit ng gadgets sa oras ng klase o instructional hours.

Sa memorandum na inilabas ng DepEd, sakop ng kautusang ito ang mga mag-aaral at school personnel.

Pinapayagan lamang ang paggamit ng gadgets kapag ang layunin ay para sa edukasyon o sa oras ng emergency.

Inatasan ng DepEd ang mga paaralan na magsagawa mga information at advocacy campaigns tungkol dio.

Ito ay para matiyak ang tamang pagsunod sa polisiya at maisulong ang ligtas at responsableng paggamit ng internet at gadgets sa mga paaralan. (DDC)