Hinihinalang rocket debris na-recover sa Palawan

Narekober ng mga tauhan ng Coast Guard Station Eastern Palawan ang hinihinalang debris mula sa isang rocket na napadpad sa baybayin ng Sitio Taburon, Barangay Balading, Bisucay Island, sa Cuyo, Palawan.

Ang natagpuang debris ay iniulat sa Coast Guard ng mga residente sa lugar.

Sa tulong ng mga barangay official pinuntahan ang debris at ngayon ay nasa pag-iingat na ng Coast Guard Station.

Ayon sa PCG, magsasagawa ng technical assessment at validation ang Maritime Security and Law Enforcement Group Palawan para matukoy ang pinagmulan ng debris. (DDC)