INC pinayuhan ng Malakanyang huwag pagamit sa destabilizers

Pinag-iingat ng Malakanyang ang mga miyembro ng Iglesia ni Cristo laban sa mga grupong ang pakay ay patalsikin sa pwesto si Pangulong Ferdinand Marcos Jr.

Ayon kay Palace Press Officer, Usec. Claire Castro, matagal nang may mga grupo na gustong mapaalis sa pwesto si Pangulong Marcos, at handa naman dito ang gobyerno.

Ani Castro naniniwala naman ang pamahalaan na hindi ang INC ang nasa likod ng mga bali-balita ng bantang paglusob sa Malakanyang.

Naniniwala aniya si Pangulong Marcos na ang pakay ng pagkilos ng INC ay ang manawagan ng accountability at transparency at hindi nila layong mag-destabilize.

Sa kabila nito, sinabi ni Castro na hindi ipinagsasawalang bahala ng mga otoridad ang bali-balitang lulusubin ang Malakanyang. (DDC)