AFP nakabantay sa kilos protesta ng INC sa EDSA

Binabantayan ng Armed Forces of the Philippines sa pamamagitan ng kanilang NCR-based untis ang mga kaganapan ngayon sa EDSA.

Sa pahayag ng AFP sinabing nakikipag-ugnayan ito sa PNP at iba pang concerned government agencies.

Ayon sa AFP, kinikilala at inirerespeto nito ang constitutional right ng bawat mamamayan para sa mapayapang pagtitipon at paglalahad ng kanilang opinion.

Sa kabila nito dapat umanong gawin ang mga public activity nang naaayon sa batas, local regulations, at permit na ini-isyu ng mga otoridad.

Hinikayat din ng Sandatahang Lakas ang mga organizer ng pagtitipon sa EDSA na tiyaking hindi sila nagdudulot ng abala sa publiko, partikular sa mga commuter, mga manggagawa, at mga estudyante.

Bilang non-partisan institution sinabi ng AFP na nananatili ang commitment nito na suportahan ang mga hakbang para mapanatili ang kapayapaan, kaligtasan ng publiko at pag-iral ng rule of law. (DDC)