Ombudsman Biyong hindi titiklop sa protesta ng supporters ni Marcoleta

Kumpiyansa si Senator Panfilo Lacson na hindi magpapa-pressure si Ombudsman Jesus Crispin Remulla sa kilos protesta ng mga tagasuporta ni Senator Rodante Marcoleta.

Ayon kay Lacson, si Ombudsman Remulla ay isang Caviteño at kilala sa pagiging matatag.

Ani Lacson, tiwala siyang hindi ito basta-basta bibigay sa INC rallies at pressure.

Dagdag pa ni Senator Lacson maaaring gawin ng mga supporter ni Marcoleta ang kanilang nais kabilang ang paghambalang sa EDSA at pagdudulot ng perwisyo sa traffic.

Pero hindi ito dahilan para iatras ang nauna nang anunsyo ng Ombudsman na pagsasampa ng kaso laban sa senador sa Sandiganbayan.

Ani Lacson, ginagawa naman ng PNP ang trabaho nito para panatilihin ang peace and order sa nagaganap na pagtitipon. (DDC)