Negative HIV result hindi na kailangan para sa mga Pinoy na bibiyahe sa Oman

Inalis na bilang requirement sa pagbiyahe sa Oman ang negatibong resulta ng HIV test.

Ayon sa abiso ng Department of Foreign Affairs lahat ng Filipino travelers patungong Oman na mag-a-avail ng visa-free entry privilege at mananatili sa nasabing bansa loob ng labingapat na araw ay hindi na required mag-presenta ng negative HIV medical certificate.

Nagpasalamat naman ang DFA sa Omani government sa pagbawi sa naturang kautusan.

Noong buwan ng Abril iniulat na kailangan munang magsumite ng negatibong resulta ng HIV test ng mga Pinoy na bibiyahe patungong Oman.

Agad naming umapela ang DFA sa pamahalaan ng Oman para hilinging pag-aralan muli ang patakaran. (DDC)