DepEd nagpaalala sa No Collection Policy sa Brigada Eskwela

Iginiit ng Department of Education na walang required o sapilitang kontribusyon mula sa magulang, mag-aaral, guro o stakeholders para sa Brigada Eskwela.

Ayon sa DepEd, kinikilala nito ang kusang pagtulong ng mga guro, pero hindi dapat sa personal nilang bulsa nagmumula ang gastos para maihanda at mapaganda ang mga silid-aralan.

Ipinaliwanag ng DepEd na mayroong School M-O-O-E na maaring mapaghugutan ng pondo para sa mga gastusin.

May tulong din mula sa iba pang katuwang ng DepEd gaya ng LGUs, volunteers at iba pang government agencies.

Ayon sa DepEd ang Brigada Eskwela ay hindi isang fundraising activity kundi isa itong whole-of-community effort para maihanda ang mga paaralan sa pagbabalik klase ng mga estudyante. (DDC)