PNP nagtaas ng alerto sa buong Mindanao

Naka-heightened alert ang Philippine National Police sa buong Mindanao kasunod ng magnitude 7.8 na lindol.

Ayon kay PNP Chief, Police General Jose Melencio Nartatez Jr. nakikipag-ugnayan sila ngayon sa Office of Civil Defense, NDRRMC, at local government units.

Inalerto ang lahat ng PNP personnel sa buong Mindanao para tumulong sa evacuation efforts, tiyaking secured ang mga critical infrastructure, at sumuporta sa relief operations.

Kasama ding titiyakin ng mga pulis na magiging maayos at mabilis ang biyahe ng rescue teams at ang pagsiguro sa kaligtasan ng mga inilikas na residente.

Paalala ng PNP sa mga apektadong mamayan, sumunod sa abiso ng LGUs at lumikas kung kinakailangan. (DDC)