Nasawi sa lindol sa Mindanao umakyat na sa 19

Umakyat na sa labingsiyam ang bilang ng naitalang nasawi sa malakas na lindol na tumama sa Mindanao.

Ayon sa Office of Civil Defense, batay ito sa mga impormasyon na ipinarating sa kanila ng Local Disaster Risk Reduction and Management Councils sa mga apektadong lalawigan.

Ayon kay OCD spokesperson Junie Castillo, sa labingsiyam na nasawi, labinganim ay mula sa Soccsksargen habang tatlo sa Davao Region.

Sinabi ni Castillo na mayroon ding naitalang 134 na nasugatan habang mayroon pang pitong pinaghahanap. (DDC)