Akbayan handa sa kandidatura ni Sen. Risa
Idineklara ng Akbayan ang kahandaan nito para sa RISA 2028 sa gitna ng pagsusulong na sumabak sa Presidential Elections si Sen. Risa Hontiveros.
Ayon sa pahayag ng grupo, kinikilala ng Akbayan Partylist ang lumalakas na panawagan para kay Senator Risa na tumakbo sa 2028.
Tiniyak ng Partido na kasama ang mga ka-alyadong social movements, sectoral groups, at local and national leaders ay handa sila sa kandidatura ng senadora sakaling maging pinal na at buo ang pasya nito.
Sinabi ng Akbayan na batid nila ang pagod, hirap, at pagkadismaya ng milyun-milyong Pilipino na patuloy na naghahangad ng lider na may integridad, kakayahan, at malinaw na paninindigan. (DDC)
