MMDA SAR Team itinuloy ang operasyon sa gumuhong 9-storey hotel sa Angeles City, Pampanga

Ipinagpatuloy ngayong araw, Mayo 25, ng MMDA Search and Rescue (SAR) Team ang paghahanap sa mga natabunan mula sa gumuhong ginagawang 9-storey hotel sa Angeles City, Pampanga.

Pinasok na ng SAR team ang istruktura at kasalukuyang nagsasagawa ng technical search gamit ng mga advanced equipment tulad ng vibraphone at life locator na naglalayong matukoy ang eksaktong lokasyon ng mga survivor sa ilalim ng mga debris.

Nauna nang inihayag ni MMDA Chairman Atty. Don Artes na ang deployment ng SAR Team sa Angeles City ay para umasiste sa search and rescue operations sa gumuhong gusali roon, lalo na’t malapit lamang ang Pampanga sa Metro Manila. (Bhelle Gamboa)