Singil sa kuryente ng Meralco may karampot na bawas ngayong buwan

Inanunsyo ng Meralco ang karampot na bawas sa singil sa kuryente na mararamadaman ng mga consumer ngayong May billing period.

Ayon sa kay Meralco spokesperson Joe Zaldarriaga, 1.5 centavos per kilowatt hour ang halaga ng ipatutupad na bawas singil.

Ito ay katumbas ng tatlo hanggang walong pisong bawas sa bill ngayong depende sa laki ng konsumo.

Para sa May 2026 billing sinabi ni Zaldarriaga na tumaas ang Transmission at iba pang charges pero may bahagyang pagbaba sa Generation Charge.

Sa kabila ng bahagyang pagbaba sa singil, sinabi ng Meralco na posible pa ring tumaas ang May billing ng mga consumer lalo na kung tumaas naman talaga ang kanilang konsumo sa kuryente dahil sa matinding init ng panahon. (DDC)