30,000 na pamilya sa Las Piñas City benepisyaryo ng Bawat Bayan Makikinabang Program ng pamahalaan

Personal na dumalo si Pangulong Ferdinand “Bongbong” Marcos Jr. sa inilunsad na programang “Bawat Bayan Makikinabang: Las Piñas City, sa Aguilar Sports Complex,Barangay Pilar.

Nasa 2,500 na pamilya ang paunang nabigyan ng tig-10 kilong bigas.Aabot sa kabuuang 30,000 na pamilya mula sa iba’t ibang sektor ang makatatanggap ng tulong ng apat na tranches ng naturang programa.

Kasama rin sa tulong ang P4-milyon para sa 20 barangay ng lungsod, na gagamiting suportahan ang limang Presidential Scholars kada barangay habang ang kalahati nito ay ilalaan para sa iba pang pangangailangan ng komunidad.

“Nandito po ang inyong pamahalaan. Patuloy po naming pag-iisip at paghahanap ng iba’t ibang paraan upang tulungan ang ating mga kababayan na nangangailangan ng tulong,” sabi ng Pangulo sa kanyang talumpati.

“Ginagawa namin ang lahat ng makakaya upang maibsan ang inyong alalahanin at makatulong sa inyong pangangailangan,” pahayag naman ni Mayor April Aguilar.

Patunay muli ito na hindi kailanman pinapabayaan ang mga Las Piñero. (Bhelle Gamboa)