P7K subsidy at libreng kuryente sa mga may National ID, fake news ayon sa PSA
Hindi totoo ang kumakalat na post sa social media platforms tungkol sa 7000 pesos subsidy at libreng kuryente para sa mga national ID holders.
Ayon sa Philippine Statistics Authority, hindi totoo ang video at hindi ito galling sa PSA o sa alinmang ahensya ng gobyerno.
Maaari umanong ginamitan ng AI ang video at sadyang ginawa para magpakalat ng maling impormasyon at manloko ng tao.
Paalala ng PSA, iwasang ibahagi ang mga ganitong uri ng post.
Ang mga beripikadong anunsyo na may kinalaman sa national ID ay mababasa sa official social media accounts ng PSA PhilSys. (DDC)
