CICC pinag-iingat ang publiko sa pekeng link na nag-aalok ng Mother’s Day Gift
Sa nakatakdang pagdiriwang ang Mother’s Day sa lingo, May 10 may link na ipinakakalat sa social media na kunwari ay nag-aalok ng regalo para sa mga nanay.
Ayon sa CICC, ipinadadala ang nasabing link sa pamamagitan ng direct message.
Mayroon itong clickable link kung saan nakasaad na makakakuha ng libreng 50GB na data para sa Araw ng mga Ina.
Pero ayon sa CICC, ito ay isang uri ng smishing o pekeng promo para makuha ang inyong impormasyon.
Inabisuhan ng ahensya ang publiko na huwag paniwalaan ang mga ganitong alok na reward lalo na kung hindi naman naka-post sa opisyal na apps o page ng telco. (DDC)
