DepEd magpapadala ng emergency supplies sa mga paaralan sa Albay

Inihahanda na ng Department of Education ang emergency supplies na ipadadala sa mga paaralan na apektado ng pag-aalburuto ng Bulkang Mayon.

Ayon kay Education Secretary Sonny Angara, pangunahing prayoridad ng ahensya ang kaligtasan ng mga mag-aaral at mga DepEd personnel.

Sinabi ni Angara na mayroong eight hundred fifty all-weather kits at N95 masks ang nakatakda nang ipamahagi.

Gayundin ang twenty thousand pesos na halaga ng learning, teaching at hygiene kits sa bawat apektadong paralan.

Sa kabila ng patuloy na pag-aalburuto ng Bulkang Mayon sinabi ni Angara na sisikapin ng DepEd na hindi maantala ang pagbabalik klase ng mga mag-aaral.

Sa datos ng DepEd, tatlong eskwehalan sa Camalig, Albay ang ginagamit ngayon bilang evacuation center. (DDC)