DA naghanda ng P408M na halaga ng tulong para sa mga magsasakang apektado ng Mayon
May ikinasa nang mahigit four hundred million pesos na halaga ng farm inputs ang Department of Agriculture para sa mga magsasakang apektado ng pagputok ng Bulkang Mayon.
Ayon sa D-A, kabilang dito ang rice, corn, at vegetable seeds.
Para naman sa mga apektadong mangingisda, mamamahagi ang D-A ng mahigit six hundred forty thousand pesos na halaga ng tilapia fingerlings.
Dagdag pa ng D-A, maaari ding mag-loan ng hanggang twenty-five thousand pesos ang mga magsasaka at mangingisda sa ilalim ng Survival and Recovery Loan Program.
Sa ngayon ay patuloy ang hakbang ng regional office ng D-A sa Bicol para matulungan ang mga magsasaka na mailikas ang kanilang livestock animals.
Nagsasagawa din ng health surveillance sa mga naapektuhang hayop. (DDC)
