Phivolcs nakapagtala na ng 31 aftershocks sa Eastern Samar
Umabot na sa tatlumpu’t isang aftershocks ang naitala ng Phivolcs sa Eastern Samar matapos ang pagtama ng malakas na lindol noong Lunes, May 4.
Ayon sa Phivocls, mahihina lamang ang naitalang mga aftershock na may magnitude na 1.2 hanggang 3.2.
Sinabi ng Phivolcs na posibleng magpatuloy pa ang mararanasang aftershocks kaya dapat na maging alerto ang mga residente.
Naitala ng Phivolcs ang magnitude 6.0 na lindol sa San Julian, Eastern Samar, 2:09 ng hapon noong Lunes.
Naramdaman ito sa maraming bayan sa Eastern Samar, Northern Samar, Samar at Leyte.
Nakapagtala din ng intensities sa Masbate at Sorsogon, iba pang bahagi ng Visayas at maging sa ilang bahagi ng Mindanao. (DDC)
