₱20 per kilo na bigas, mabibili sa Kadiwa Stores ng Las Piñas City

Kaisa ang Pamahalaang Lungsod ng Las Pinas na pinamumunuan nina Mayor April Aguilar at Vice Mayor Mel Aguilar sa P20 Rice Project ng ating Pangulong Ferdinand Marcos, Jr.

Layunin ng proyektong ito na magbenta ng bigas sa halagang ₱20.00 kada kilo sa mga Kadiwa stores.

Katuwang din sa programang ito ang Food Terminal Inc (FTI) na siyang umangkat ng bigas mula sa National Food Authority (NFA) kung saan ang FTI ang mangangasiwa sa bentahan sa Kadiwa ng Las Piñas venue.

Patuloy ang pagbebenta ng bigas na gaganapin sa darating na April 30, 2026 (Huwebes) sa Las Pinas City Hall Compound, Alabang-Zapote Road magmula alas-9:00 ng umaga hanggang 5:00 ng hapon at hanggang sa maubos ang supply nito.

Ito ay eksklusibo para sa mga senior citizens, solo parents, persons with disabilities (PWDs) at 4Ps members, na maaaring makabili ng hanggang tig-5 kilo ng bigas bawat benepisyaryo.

Pinapaalalahanan na magdala ang mga benepisyaryo ng kinakailangang IDs gaya ng Senior Citizen ID, Solo Parent ID, PWD ID ao 4Ps member ID para makabili ng naturang bigas. (Bhelle Gamboa)