Konstruksiyon ng bagong corrections facility sa Puerto Princesa City sinimulan na

Bilang parte ng programang modernisasyon ng correctional system sa bansa, opisyal nang sinimulan ng Bureau of Corrections (BuCor) ang pagtatayo ng bagong corrections facility na matatagpuan sa Sitio Tagbarungis, Barangay Inagawan sa Puerto Princesa City.

Binigyang-diin ni BuCor Director General Gregorio Pio P. Catapang Jr. ang kahalagahan nitong P480-million project na idedevelop sa sampung (10) ektaryang secured compound sa Inagawan Sub-Colony ng Iwahig Prison and Penal Farm. Ang bagong pasilidad ay pangunahing dinisenyo upang tugunan ang siksikan sa mga kulungan, na isang hamon na may mahabang kompromisong kaligtasan, seguridad, at marangal na kondisyong pamumuhay para sa mga inmates sa buong bansa.

Ayon kay Catapang, ang groundbreaking ay nagsilbing mahalagang yugto sa pangako ng gobyerno na lumikha ng ligtas, maayos, handa sa kinabukasang pangkalikasan na hindi lamang tumitiyak sa ligtas na kustodiya kundi pagyayamanin din nito ang repormasyon at oportunidad para sa Persons Deprived of Liberty (PDLs).

Pinasalamatan din ni Catapang si Senator Erwin Tulfo na nagsilbing panauhing pandangal at palaging sumusuporta sa mga programa ng Bucor.

“Once completed, it will house up to 2,500 PDLs in an environment conducive to rehabilitation, focusing on humane treatment, safety, and operational efficiency,” sabi ni Catapang.

Sasamahan ng BuCor ng mga sustenableng teknolohiya abg naturang pasilidad. Gagamitan ng rooftop solar panels at solar-powered street lighting systems na isang istratihiyang pasya na isulong ang episyenteng enerhiya at mabawasan ang carbon footprint ng prison operations.

“Such green initiatives are expected to lower operational costs over the long term while contributing positively to environmental conservation efforts. This integration of technology and sustainability further reflects BuCor’s awareness of global trends and its commitment to innovation within the corrections sector,” paliwanag ni Catapang.

Nitong nakaraang linggo,isinagawa rin ng BuCor ang groundbreaking para sa konstruksiyon ng P470 million na bagong correctional facility sa 60-ektaryang lupa sa Palayan City, na donasyon ng Pamahalaang Panlalawigan ng Nueva Ecija.

Ang dalawang proyektong ito ay inaasahang makukumpleto bago matapos ang termino ni Pangulong Ferdinand Marcos Jr.

Ang Bucor sa ilalim ng Republic Act No. 10575 na nilagdaan noong Mayo 24, 2013, na mayroong mandato ng modernization, professionalization, at restructuring ng ahensiya. Layunin nitong isaayos ang custodial and reformation services, upgrade facilities, at pataasin ang bilang ng mga tauhan ng BuCor. Ang batas na ito ay magbibigay para sa paggawa ng regional rehabilitation centers upang maibsan ang matinding siksikan sa mga pasilidad.

“RA 10575 is the cornerstone of our reform agenda.This project exemplifies our dedication to not only comply with the legal framework but also to advance our vision of a correctional system that respects human dignity and facilitates effective reformation,” dagdag pa ng BuCor Chief. (Bhelle Gamboa)