Kalidad ng hangin sa ilang lugar sa NCR lumala pa, deliakdo sa mga senior at bata
Mas lumala pa ang kalidad ng hangin sa ilang bahagi ng Metro Manila lalo na sa Northern portion kasunod ng patuloy na usok na ibinubuga mula sa naitalang rubbish fire sa dating Navotas Landfill.
Sa abiso ng Environmental Management Bureau – NCR, umabot sa Acutely Unhealthy ang antas ng Air Quality sa Navotas at Malabon.
Sa ilalim nito, iminumungkahi ng EMB na bawasan ang outdoor activity at matinding ehersisyo o physical avtivities.
Dapat ding manatili sa loob ng bahay at magpahinga kung mayroong pre-existing heart o lung conditions gaya ng hika.
Iwasan na muna ang hindi importanteng pagbiyahe.
Samantala, “fair” naman ang Air Quality sa Valenzuela pero maaaring may minor health effects pa rin ito sa mga taong highly sensitive. (DDC)
