DTI nag-inspeksyon sa isang supermarket sa NCR

Nag-inspeksyon si Department of Trade and Industry Secretary Cristina Roque sa supermarket sa isang malaking mall sa Metro Manila.

Ito ay para i-assess ang presyo at suplay ng mga pangunahing bilihin.

Sa Initial findings ng DTI, sinabi ni Roque na walang ipinatupad na price increase sa mga bilihin sa supermarket.

Ibig sabihin ayon sa kalihim walang dapat na ipangamba ang mga consumer dahil patuloy silang makakabili ng abot-kayang halaga ng essential products.

Tiniyak naman ng DTI na magpapatuloy ang pina-igting na market monitoring para maprotektahan ang mga consumer. (Dona Domingue-Cargullo)