Private schools na hindi pa tapos ang klase pwedeng magpatupad ng blended learning
Pinayagan ni Education Secretary Sonny Angara ang mga private school na magkaroon ng mas maluwag na pagpapatupad ng klase at teacher training para mabawasan ang gastos sa kuryente.
Sa inilabas na memorandum ng DepEd, maaaring magpatuloy ang mga private school sa limang araw na face-to-face classes o kaya ay magpatupad ng blended learning.
Hindi na kailangan ng prior approval kung lilipat sa blended learning ang isang private school, basta’t susundin ang rules at ipapaalam ito sa kani-kanilang Schools Division Office.
Sa ilalim ng guidance para sa blended learning, ang mga paaralan ay puwedeng magkaroon ng remote class isang araw kada linggo para sa Kinder hanggang Grade 6.
Ang mga mag-aaral naman mula Grade 7 hanggang 10 ay maaaring sumailalim sa hanggang dalawang araw ng remote learning bawat linggo, at hanggang tatlong araw naman para sa mga mag-aaral ng Senior High School. (Dona Domingue-Cargullo)
