Cash aid sa tricycle driver sa buong bansa gugulong na
Inanunsyo ng Department of Social Welfare and Development ang pagsisimula ng pamamahagi ng Cash Relief Assistance para sa mga tricycle driver sa iba pang mga rehiyon sa bansa.
Ayon kay DSWD Spokesperson at Assistant Secretary Irene Dumlao unang makatatanggap ng ayuda ang mga tricycle driver sa mga pangunahing lungsod sa bansa sa April 8.
Limang libong piso ang matatanggap na ayuda ng mga driver ng tricycle at ang benepisyaryo ay base sa listahan na magmumula sa local na pamahalaan.
Sa mga susunod na araw naman ay itatakda ang pamamahagi ng ayuda sa mga tricycle driver sa mga munisipalidad. (Dona Dominguez-Cargullo)
