ICI report hinahanap ni Cong. Leandro Leviste

Sa huling araw sa tungkulin ng Independent Commission for Infrastructure nagtatanong si Batangas Rep. Leandro Leviste kung naasaan na nga ba ang ICI report?

Sa kaniyang social media account, nagtataka si Leviste na sa huling araw sa tungkulin ay nananatiling tahimik ang ICI.

Wala man lang din aniyang itinakdang press briefing upang iulat ang kanilang accomplishments.

Nagtatanong din si Leviste kung nasaan si Public Works and Highways Sec. Vince Dizon, gayundin ang mga noon ay labis na nag-ingay sa isyu ng flood control.

Ani Leviste, personal siyang pupunta sa tanggapan ng ICI para hingin ang kopya ng report nito at para umapela na isapubliko ang result ang kanilang imbestigasyon.

Una nang sinabi ni ICI chairman Andres Reyes na nai-turnover na nila sa Office of the Ombudsman ang lahat ng dokumento, ebidensya at findings sa ginawa nilang imbestigasyon. (DDC)