Panibagong batch ng mga Pinoy galing Kuwait nakauwi na ng bansa
Dumating sa bansa ngayong araw, March 31 ang siyamnaput siyam pang Pinoy mula sa Kuwait.
Ayon sa Department of Migrant Workers, ang nasabing mga Pinoy ay bumiyahe via land at tumawid sa border crossing sa loob ng humigit kumulang na walong oras at saka dumaan sa Dammam, Saudi Arabia.
Mula Saudi Arabia ay naikuha sila ng flight pauwi ng Pilipinas.
Pinagkalooban ng tulong ang mga umuwing OFW gaya ng pagkain, transport assistance, at iba pang support services.
Samantala, bukas April 1 – Miyerkules Santo inaasahan namang darating ang labingsiyam pang Pinoy na galing ng Israel.
Ang nasabing mga Pinoy ay ligtas na nakatawid sa Taba Border at mula Cairo, Egypt ay naisakay na sila ng flight pauwi ng Pilipinas. (DDC)
