Zero crime sa Holy Week target ng PNP
Handa na ang Philippine National Police para sa ilalatag na seguridad sa Semana Santa.
Target ng PNP na makamit ang zero crime sa Holy Week sa pakikipagtulungan sa LGUs kabilang ang mga opisyal ng barangay.
Ayon kay PNP chief, Gen. Jose Melencio Nartatez Jr. inatasan na ang mga police commander na makipagtulungan sa mga barangay personnel upang maipatupad ang peace and order plans.
Ang mga barangay unit kasi ang magsisilbing first line of defense upang matiyak ang agarang pagresponde sa pangangailangan ng mga residente.
Una nang sinabi ng PNPP na handa itong mag-deploy ng fifty-five thousand na pulis sa buong bansa para sa Holy Week.
Simula March 29 hanggang May 1 ay iiral na ang “Ligtas SUMVAC 2026” campaign ng PNP.
