4th batch ng mga Pinoy galing Israel pauwi na ng bansa
Inaasahang makakauwi na sa bansa ngayong weekend ang ika-apat na batch ng mga Pinoy na galing sa Israel.
Ang mga uuwing Pinoy ay binubuo ng dalawamput dalawang OFW repatriates kasama ang isang bata at tatlong turista.
Mula Israel ay ligtas silang naitawid patungo sa Taba Border sa Egypt sa tulong ng One Country Team sa Israel at ng DMW-OWWA team.
Pagdatimg sa Taba Border ay agad silang inasikaso ng mga tauhan ng Philippine Embassy sa Cairo para sa kanilang immigration requirements.
Pinagkalooban naman sila ng DMW at OWWA ng temporary accommodation at iba pang pangangailangan habang naghihintay ng kanilang flight pauwi sa Pilipinas.
