Flights ng PAL patungong Doha at Dubai suspendido hanggang Apr. 30

Mananatiling walang biyahe ang Philippine Airlines sa rutang Manila to Doha at Manila to Dubai hanggang sa April 30, 2026 dahil sa nagpapatuloy na krisis sa Middle East.

Ayon sa Abiso ng PAL kanselado hanggang April 30 ang sumusunod na flights:

PR 658/659 Manila – Dubai – Manila
PR 684/685 Manila – Doha – Manila

Kanselado din ang PR 685 Doha – Manila sa May 1, 2026.

Ang kanselasyon ayon sa PAL ay dahil sa nagpapatuloy na security situation na nakaaapekto sa ilang bahagi ng Gitnang Silangan.

Ang mga pasaherong apektado ng kanselasyon ng flights ay maaaring mapa-rebook, i-convert ang kanilang flight tickets sa travel credits para magamit sa mga susunod na biyahe o kaya ay humiling ng full refund.