Commander ng US Navy 7th Fleet nag-courtesy call sa PH Coast Guard

Nag-courtesy call kay Philippine Coast Guard Commandant, Admiral Ronnie Gil Gavan ang commander ng U.S. Navy 7th Fleet na si Vice Admiral Patrick Hannifin.

Si Hannifin ang naging unang U.S. Navy Fleet Commander na bumisita sa headquarters ng PCG.

Ang pagbisita ni Vice Admiral Hannifin ay bahagi ng kaniyang tatlong araw na official trip sa Pilipinas na layong mas palakasin pa ang bilateral cooperation ng dalawang bansa.

Sumang-ayon sina Gavan at Hannifin na mahalagang mapanatili ang pagtutulungan ng PCG at U.S. Navy.

Tinalakay ng dalawang opisyal ang pagpapalakas sa interoperability, maritime domain awareness, at mga hakbang para sa capacity-building para matiyak ang regional maritime safety and security.