Diskwento sa toll para sa PUVs at PUBs epektibo sa Mar. 23

Simula sa March 23 magbibigay ng discount sa bayarin sa toll para sa mga pampublikong sasakyan kabilang ang mga pampasaherong bus at mga sasakyang ginagamit bilang freight service.

Ayon sa DOTr, kinumpirma ni Toll Regulatory Board Executive Director Jay Art Tugade na pumayag ang mga tollway operator na boluntaryong magpatupad ng temporary toll discount.

Kasama sa magbibigay ng diskwento sa toll ang NLEX, SLEX at STAR Tollways.

Aplikable ang diskwento sa mga Class 1 PUVs gaya ng mga jeep, Class 2 PUBs o mga pampasaherong bus at Class 3 vehicles na ginagamit bilang cargo service kabilang ang mga may lulan na essential goods.

Nagpasalamat naman si DOTr Sec. Giovanni Lopez sa negosyanteng si Ramon Ang ng Metro Pacific ng San Miguel Corporation at kay Manny Pangilinan ng Metro Pacific Tollways Corporation.

Hindi naman kasama sa magbibigay ng discount sa toll ang SCTEX, TPLEX, CALAX, CAVITEX, C5-LINK, at CCLEX.